Aan die Hoërskool Adamantia stel ons ons ten doel om: 

•  welopgevoede en verantwoordelike jongmense die wêreld in te stuur;
• ons leerders te stimuleer tot deelname en betrokkenheid;
• al die aspekte van ons leerders se menswees aan te spreek; dus om hulle gees (hart), verstand én liggaam te ontwikkel en te verruim;
• by ons leerders 'n liefde en trots vir die eie — ons godsdiens, taal, land, gemeenskap, skool en ouerhuis te
  ontwikkel;
• ons leerders te lei om, as skepsele van God, hulself  én  hul medemens te aanvaar, te eerbiedig en aan elkeen
  ruimte te gun;
• aan elke leerder die geleentheid te bied om homself te ontdek en die mooiste in hom na vore te bring;
• nooit met die tweede beste tevrede te wees nie, maar slegs met die allerbeste;
• ons leerders te laat besef dat ware vreugde vanuit die mens self kom;
• die waarheid, naamlik dat dit altyd te gou is vir moedverloor, by ons leerders in te skerp en vas te lê;
• aanpasbaar, maar behoudend te wees;
• ons leuse, WERK EN DIEN, in woord en daad uit te leef;
• om ons leerders te leer dat sukses alleen moontlik is met die hulp van ons Hemelse Vader en dat ons sonder Hom niks sinvols kan vermag nie.

Boontoe

Adamantia is anders, want ...

• Ons is 'n Afrikaanse en Christen-skool;

• ons skool is klein en ons eerbiedig  elke leerder se uniekheid en persoonlikheid

• gehalte onderwys geniet by ons voorkeur;

• ons is opreg ingestel op ons leerders se toekoms;

• ons kinders is vir ons kosbaar;

• elke individu tel;

• leerders verdwyn nie in die massa nie;

• ons leerders is gelukkig;

• ons Werk en Dien!

Pluspunte ...

• TWEE restaurantkombuise

• Deftige restaurant

• Eie kunslokaal

• 2 Hokkievelde, rugbyveld, nuwe krieketveld, nuwe  kolfblad en nette, nuwe tennisbane, 6 netbalbane  en nuwe
  
  pawiljoene en sporttoerusting

• Mediasentrum

• Skoolsnoepie

• Eie klerewinkel by skool

• Prestasiebeurse aan gr. 7’s  vir  prestasies in akademie, sport, kultuur en leierskap

• TWEE toetsdae per week

• Jaarlikse kampe, toere en uitstappies vir die VCSV en Landsdiens

• Skitterprestasies tydens  Kunsfeeste

• Erkenning by wyse van ere-toekennings

• Eie noodhulpvereniging

• Eie skoolkoerant

• Skitterprestasies in alle vakke se Olimpiades en  Tweetaligheidseksamen

• Wenners van talle Engelse Redenaarskompetisies

• Talle sosiale  geleenthede vir leerders en ouers

• Seniorbal, Gr. 12-konsert, Sottekonsert, Plaaswerf- en hotelfunksies

• Baie billike Skoolfonds volgens gesin se inkomste;

• Hoë standaarde in akademie, sport en kultuur

• Onderwys van hoë gehalte

• Hoogs opgeleide opvoeders

• Geleenthede vir ELKE leerder in die skool

• Goeie leerderdissipline

• Hoë Christelike waardes

Boontoe

As 'n Afrikaanse Hoërskool in Kimberley ... 

• stel Adamantia hoë eise aan sy leerders ten opsigte van pligsbesef, toewyding, netheid, dissipline, wellewendheid en 'n gebalanseerde lewensuitkyk;
• word die skool bestuur deur 'n Beheerliggaam wat daarop ingestel is om op ingeligte wyse pro-aktief en strategies te beplan en op te tree;
• word 'n omgewing geskep en in stand gehou waarbinne mense gelukkig kan saamwerk, 'n veilige ruimte  vir  effektiewe funksionering gevind wat bydra tot die behoud van hoë gehalte opvoeders en leerders;
• bied die skool 'n wye kurrikulum wat rekening hou met die behoeftes en geleenthede in 'n snelveranderende omgewing;
• is die skool altyd toeganklik, tree altyd in belang van sy leerders op en reageer altyd billik en effektief op behoeftes, geleenthede en belange;
• steun die skool op ouerlike bondgenootskap, nie-diskriminasie en die handhawing van die hoogs moontlike morele en etiese standaarde.

Boontoe